აღწერა
„ჩემს სიცოცხლეში არავისთვის დამიცინია. მე მებრალებოდა ადამიანი, რომელიც ცხოვრებამ გააუბედურა და სასაცილო მდგომარეობაში ჩააყენა. …რასაც ვწერდი, მხოლოდ ადამიანის სიყვარული მაწერინებდა“, – ამბობდა დავით კლდიაშვილი და, მართლაც, თავის პერსონაჟებს ჰუმანიზმით სავსე სატირით, „ცრემლნარევი სიცილით“ წარმოგვიდგენდა.
მოთხრობაში „სოლომან მორბელაძე“ გაღარიბებული აზნაური სოლომანი ცდილობს, მაჭანკლობით იშოვოს ორიოდე გროში, მაგრამ ამის ნაცვლად თავისივე ტყუილების ბადეში ებმება; „ქამუშაძის გაჭირვების“ მთავარი გმირი ოტია მუხლჩაუხრელად შრომობს, მაგრამ გაჭირვებას თავს მაინც ვერ აღწევს; მოთხრობაში „მსხვერპლი“ აღწერილია, როგორ ეწირება მავნე ტრადიციებს ახალგაზრდა, ლამაზი მარინე…
